[15/02/2010] A secretaria xeral da Igualdade, Marta González, recibiu hoxe de Carlos Andrés González Paz e Antón Pazos, o libro As voces de Clío: A palabra e a memoria da muller na Galicia, financiado pola Secretaría Xeral da Igualdade e que ten por obxectivo dar visibilidade ao papel que tiveron as mulleres ao longo da historia. Esta obra quere avanzar as achegas das mulleres á historia e á cultura galegas e terá continuación con novos volumes, entre os que se atopa un diccionario de mulleres peregrinas a Santiago. Este libro recolle as presentacións que distintos e distintas especialistas na historia das mulleres fixeron nas xornadas "Feminino Plural", realizadas en 2007. A obra, que será presentada oficialmente o vindeiro 10 de marzo, pretende "avanzar na comprensión, investigación e coñecemento das aportacións das mulleres a nosa historia e nosa cultura", indicou Marta González.
Más información en http://www.igualdadegalicia.org/actualidade/nova.php?id=424&lg=gal
